(1932-1964) Ánxelus de dulor

link

Todo lo enroxez el sol poniente;
fasta la blanca nieve cimera
tien collorinos de primavera;
pero, qué duliente
ver que muerre ¡ay! Ca día un día,
y qué curuxía
dame esti xuxir
de somes que nacen nes fondures,
esguilen del valle a les altures
pa luego expandir,
borrando la lluz, tantes negrures.
L´Ánxelus ye nunciu de quexíos
de les almes tristes que penando
van los extravíos.
D´esa voz sin ecu que me fraya
con so parla, entre sones sonando,
la mesma vidaya.
Que non sabes si riye, si llora,
si canta o sonsañu
ye del mesmu diañu.
L´Anxelus m´acora;
que col llantu que arrinca l´amayuelu,
más entaina la nochi sombría;
y les ánimes baxen del cielu
y muerre otru día...